Բռնցքամարտիկ Նարեկ Աբգարյանի մենամարտի օրը փոխվել է
16:57, 12 Դեկտեմբեր 2018
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Բռնցքամարտի Հայաստանի թիմի անդամ, պրոֆեսիոնալ բռնցքամարտիկ Նարեկ Աբգարյանի մենամարտի օրը փոխվել է:
«Արմենպրես»-ի հաղորդմամբ` դեկտեբերի 15-ին Վորոնեժում նախատեսված բռնցքամարտի երեկոյի գլխավոր մենամարտ չեղարկվել է, ինչի պատճառով տվյալ օրը նախատեսված մենամարտերը նույնպես չեն կայանա: Նարեկ Աբգարյանը իր մենամարտը կանցկացնի դեկտեմբերի 18-ին՝ Կազանում: Մրցակիցը նույնն է՝ Ուզբեկստանը ներկայացնող Շախզոդբեկ Շարոբիդինովը:
Հիշեցնենք, որ նույն օրը ռինգ դուրս կգա նաեւ Գոռ Երիցյանը՝ ով կմենամարտի WBO վարկածով երիտասարդների աշխարհի չեմպիոնի գոտու համար:
Բաժանորդագրվեք մեր ալիքին Telegram-ում