Երևանում՝ 11:07,   19 Մարտ 2024

Ռուս փորձագետը Հայաստանում տեխնոկրատների ազդեցության աճ է կանխատեսում

Ռուս փորձագետը Հայաստանում տեխնոկրատների ազդեցության աճ է կանխատեսում

ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ Ազգային ժողովի արտահերթ ընտրությունները վերջնագիծ են քաշել երկրում երկիշխանության համար։ «Արմենպրես»-ի հաղորդմամբ՝ այս մասին լրագրողների հետ հանդիպման ժամանակ նշեց պատմական գիտությունների դոկտոր, Ռուսաստանի գիտությունների ակադեմիայի (ՌԳԱ) համաշխարհային տնտեսության և միջազգային հարաբերությունների ինստիտուտի գլխավոր գիտաշխատող, Կովկասագետների գիտական միության նախագահ Ալեքսանդր Կրիլովը:

Նրա պնդմամբ՝ այսօր վերջնականապես լուծված է իշխանության վերաբերյալ հարցը, այսինքն՝ և՛ վարչապետը, և՛ ԱԺ-ն ներկայացնում են մեկ ընդհանուր քաղաքական ուժ:

Կրիլովն ընդգծեց, որ համաձայն չէ այն հայտարարությունների հետ, թե ընտրությունների իբր ցածր մասնակցությունը վկայում է Փաշինյանին աջակցելու ցածր աստիճանի մասին։ 

«Ընտրությունների արդյունքներն ավելի քան ակնհայտ էին, քանի որ մենք կանխատեսել էինք, որ Նիկոլ Փաշինյանի դաշինքը մոտ 70 տոկոս ձայն կունենա: Մենք կանխատեսում էինք արել նաև, որ «Բարգավաճ Հայաստան» կուսակցությունը նույնպես շատ ձայն կհավաքի և երկրորդ տեղում կլինի: Կասկածներ կային միայն երրորդ քաղաքական ուժի վերաբերյալ»,- ընդգծեց նա:

Կովկասագետների գիտական միության նախագահը նկատեց, որ իրենց համար անսպասելի էր Հայաստանի Հանրապետական և «Սասնա ծռեր» կուսակցությունների Ազգային Ժողով չանցնելը:

«Ընտրությունների ժամանակ ՀՀԿ-ի և Հայ Հեղափոխական Դաշնակցության պարտությունը վկայում է այն մասին, որ երկրում քաղաքական էլիտայի փոփոխության միտում է նկատվում: Այժմ ասպարեզում հայտնվում են նոր կուսակցություններ և մարդիկ, ովքեր 1970-1980-ականներին են ծնվել»,- նշեց Կրիլովը:

Ռուս փորձագետի կարծիքով՝ այժմ հիմնական օրակարգ են դառնում ոչ թե ներքաղաքական տարաձայնություններն, այլ սոցիալ–տնտեսական բարեփոխումների անցկացումը։

«Կարծում եմ, որ կսկսեն կադրային փոփոխություններ իրականացվել, քանի որ հեղափոխությունը պահանջում է այլ կադրեր, իսկ ռեֆորմները՝ լրիվ այլ: Կարելի է ենթադրել, որ հիմա կհայտնվեն ավելի շատ տեխնոկրատներ, իսկ քաղաքական գործիչները կլինեն խորհրդարանում և իրենց գործունեությունը կծավալեն հենց այնտեղ»,- եզրափակեց ՌԳԱ համաշխարհային տնտեսության և միջազգային հարաբերությունների ինստիտուտի գլխավոր գիտաշխատողը: 

ՀՀ կենտրոնական ընտրական հանձնաժողովի նախնական տվյալներով՝ կուսակցությունների ու կուսակցությունների դաշինքների միջև ընտրողների քվեները բաշխվել են հետևյալ կերպ.

Հայաստանի Հանրապետական կուսակցությունը ստացել է 4,7 տոկոս կամ 59068 ձայն, «Քաղաքացու որոշում» սոցիալ դեմոկրատական կուսակցությունը` 0,68 տոկոս կամ 8533 ձայն, Հայ հեղափոխական դաշնակցությունը` 3,89 տոկոս կամ 48822 ձայն, «Իմ քայլը» դաշինքը` 70,44 տոկոս կամ 884849 ձայն, «Լուսավոր Հայաստան» կուսակցությունը` 6,37 տոկոս կամ 80049 ձայն, «Քրիստոնեա-ժողովրդական վերածնունդ» կուսակցությունը` 0,51 տոկոս կամ 6460 ձայն, «Ազգային առաջընթաց» կուսակցությունը` 0,33 տոկոս կամ 4122 ձայն, «Մենք» դաշինքը` 2 տոկոս կամ 25174 ձայն, «Օրինաց երկիր» կուսակցությունը` 0,99 տոկոս կամ 12390 ձայն, «Սասնա ծռեր» համահայկական կուսակցությունը` 1,82 տոկոս կամ 22868 ձայն, «Բարգավաճ Հայաստան» կուսակցությունը` 8,27 տոկոս կամ 103837 ձայն:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]