Մահացել է Զանգեգուրի պղնձամոլիբդենային կոմբինատի տնօրենների խորհրդի նախագահ Մաքսիմ Հակոբյանը
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: 69 տարեկանում մահացել է Զանգեգուրի պղնձամոլիբդենային կոմբինատի նախկին տնօրեն, կոմբինատի տնօրենների խորհրդի նախագահ Մաքսիմ Հակոբյանը:
Այս մասին «Արմենպրես»-ին տեղեկացրին ՀՀ տնտեսական զարգացման և ներդրումների նախարարությունից:
«Ծանր զգացումով և մեծ ափսոսանքով տեղեկացանք, որ կյանքից հեռացել է Զանգեգուրի պղնձամոլիբդենային կոմբինատի երկարամյա տնօրեն Մաքսիմ Հակոբյանը։ Նշանակալի են նրա ջանքերը Սյունիքի բարեկեցության, Հայաստանում հանքարդյունաբերության ոլորտի զարգացման գործում»,- ասված է նախարարի պաշտոնակատար Տիգրան Խաչատրյանի հաղորդագրությունում:
Մաքսիմ Հակոբյանը Զանգեգուրի պղնձամոլիբդենային կոմբինատի գործադիր տնօրեն է նշանակվել 1998 թվականի մայիսի 7-ին, իսկ 2003 թվականի մարտի 24-ին նշանակվել է կոմբինատի գլխավոր տնօրեն։ 2014 թվականի մայիսից կոմբինատի տնօրենների խորհրդի նախագահն էր։
Բաժանորդագրվեք մեր ալիքին Telegram-ում