Ժամանակը Երևանում՝ 11:07:36,   18 Օգոստոս

ԱԺ արտահերթ ընտրությունների քվեարկության ընթացքում ԶԼՄ ներկայացուցիչների գործունեությունը խոչընդոտվել է 2 անգամ


ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Դեկտեմբերի 9-ին կայացած ԱԺ արտահերթ ընտրությունների քվեարկության օրվա ընթացքում ՀՀ գլխավոր դատախազությունն ուսումնասիրել է ԶԼՄ ներկայացուցիչների գործունեությունը խոչընդոտելու 2 դեպք: «Արմենպրես»-ի փոխանցմամբ՝ այս մասին Կենտրոնական ընտրական հանձնաժողովում կայացած մամուլի ասուլիսում ասաց Արարատի մարզի դատախազ, արդարադատության առաջին դասի խորհրդական Սևակ Հովհաննիսյանը:

«ՀՀ գլխավոր դատախազության կողմից ստեղծված աշխատանքային խումբը ժամը 08:00-20:00-ն ընկած ժամանակահատվածում ԶԼՄ ներկայացուցիչների աշխատանքային գործունեության 2 դեպք է ուսումնասիրվել: Այդ թիվն աննախադեպ ցածր է նախորդ համապետական ընտրությունների արդյունքների հետ համեմատ: Անցած տարի նույն ժամանակահատվածում արձանագրվել էր այսպիսի 14 դեպք»,- ասաց Հովհաննիսյանը:

ՀՀ գլխավոր դատախազության աշխատանքային խումբն ընդհանուր առմամբ 252 դեպք է ուսումնասիրել:

«Ուսումնասիրված դեպքերից 108-ով քրեադատավարական ընթացակարգեր են իրականացվում: 82 մեկից ավելի անգամ կամ այլ անձի փոխարեն քվեարկելու դեպք, յուրաքանչյուր դեպքով համապատասխան քրեադատավարական ընթացակարգով ստուգվելու է դրանց արժանահավատությունը, բայց նախնական ուսումնասիրության արդյունքներով դրանք տեխնիկական բնույթ են կրում»,- նշեց դատախազը:

Նրա խոսքով՝ ընտրախախտումների ցածր ցուցանիշը պայմանավորված է նաև վերջերս Քրեական օրենսգրքում կատարված փոփոխություններով:

 




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ