Ժամանակը Երևանում՝ 11:07:36,   17 Հունվար

Երկու տարբերակն էլ հանգամանալից քննարկվում է. Միրզոյանը` օրենսդիրում կամ գործադիրում պաշտոնավարելու մասին


ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ առաջին փոխվարչապետ Արարատ Միրզոյանն անդրադարձավ իր հետագա պաշտոնավարման հնարավորություններին և նշեց, որ քննարկվում է թե օրենսդիրում, թե գործադիրում գործունեություն ծավալելու հնարավորությունը: «Երկու տարբերակն էլ շատ հանգամանալից կերպով քննարկվում է թիմի ներսում: Ես ուզում եմ, որ «Իմ քայլը» դաշինքը հավաքի հնարավորինս շատ քվե, արժանանա հնարավորինս շատ մարդկանց վստահությանը: Մի քանի ժամից պարզ կլինի»,- «Արմենպրես»-ի փոխանցմամբ, ասաց Միրզոյանը` «Իմ քայլը» դաշինքի նախընտրական շտաբում լրագրողների հետ զրույցում:

Առաջին փոխվարչապետի պաշտոնակատարը նշեց, որ բազմաթիվ հանդիպումներ է ունեցել տարբեր միջազգային դիտորդական առաքելությունների ներկայացուցիչների հետ, որոնք զարմացած արձանագրել են, որ նույն ընտրական օրենսդրությամբ, նույն ընտրական ինստիտուտներով, նույն ԿԸՀ կազմով միանգամայն այլ ընտրական գործընթացներ են կազմակերպվում: «Այս առումով, իհարկե, թվերը վստահելի են: Բացի այդ, բոլոր տեղամասերում կան տեսախցիկներ, կան դիտորդներ, հանձնաժողովականներ, լրագրողներ և այլն»,- ասաց նա:

Միաժամանակ, Միրզոյանը տեղեկացրեց, որ շուտով նախընտրական շտաբ է ժամանելու վարչապետի պաշտոնակատար, դաշինքի առաջին համար Նիկոլ Փաշինյանը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ