Ժամանակը Երևանում՝ 11:07:36,   29 Նոյեմբեր

Քվեարկությունը 22/26 ընտրատեղամասում չի դադարեցվել. եղել են որոշակի տեխնիկական խնդիրներ

Քվեարկությունը 22/26 ընտրատեղամասում չի դադարեցվել. եղել են որոշակի 
տեխնիկական խնդիրներ

ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: 22/26 ընտրատեղամասում  չի եղել այնպիսի ընտրող, ով ստանա քվեաթերթիկների փաթեթ, որում բացակայում է որևիցե համարի քվեաթերթիկ, իսկ քվեարկությունն այդ ընտրատեղամասում չի դադարեցվել: «Արմենպրես»-ի հաղորդմամբ` այս մասին ԿԸՀ-ում լրագրողների հետ զրույցում ասաց ԿԸՀ իրավաբանական վարչության պետ Լիլիա Հակոբյանն` անդրադառնալով լուրերին, թե իբր քվեարկությունն այդ ընտրատեղամասում դադարեցել է, քանի որ չորրորդ համարի՝ «Իմ քայլի» քվեաթերթիկներ փաթեթներում չեն եղել:

«Եղել է որոշակի խնդիր, և ապահովվել է այդ քվեաթերթիկների առկայությունը, քվեարկությունը վերականգնված է, որևէ ընդհատում չի եղել: Չի եղել այնպիսի ընտրող, ով ստանա առանց որևէ քվեաթերթիկի փաթեթ: Բոլոր 11 քվեաթերթիկները տրամադրվել են այդ տեղամասում մասնակցած բոլոր ընտրողներին։ Տեխնիկական խնդիր է եղել, այդ պահին հանձնաժողովը տեղադրած չի եղել այդ քվեաթերթիկները, կապ ենք հաստատել նաև տարածքային հանձնաժողովի հետ:  Դա անմիջապես ապահովվել է»,-ասաց Հակոբյանը:

Նա վստահեցրեց, որ այնպիսի իրավիճակ չի եղել, որ որևէ ընտրողի իրավունք խախտվեր։

Արտահերթ խորհրդարանական ընտրություններին մասնակցում է 11 քաղաքական ուժ՝ 9 կուսակցություն և 2 դաշինք: Մասնակցող ուժերն են՝ Հայաստանի Հանրապետական կուսակցությունը, «Քաղաքացու որոշում» սոցիալ-դեմոկրատական կուսակցությունը, «Հայ Յեղափոխական Դաշնակցություն» կուսակցությունը, «Իմ քայլը» կուսակցությունների դաշինքը, «Լուսավոր Հայաստան» կուսակցությունը, «Քրիստոնեա-ժողովրդական վերածնունդ» կուսակցությունը, «Ազգային առաջընթաց» կուսակցությունը, «Մենք» դաշինքը, «Օրինաց Երկիր» կուսակցությունը, «Սասնա ծռեր» կուսակցությունը և «Բարգավաճ Հայաստան» կուսակցությունը:

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ