Ժամանակը Երևանում՝ 11:07:36,   12 Դեկտեմբեր

Զոհրաբ Մնացականյանը հանդիպել է Սուրբ Աթոռի պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերի հետ


ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Դեկտեմբերի 7-ին աշխատանքային այցով Միլանում գտնվող արտգործնախարարի պաշտոնակատար Զոհրաբ Մնացականյանը հանդիպեց Սուրբ Աթոռի պետությունների հետ հարաբերությունների քարտուղար, արք. Պոլ Ռիչարդ Գալագերի հետ:

Ինչպես «Արմենպրես»-ին տեղեկացրին ՀՀ ԱԳՆ տեղեկատվության և հանրային դիվանագիտության վարչությունից, զրուցակիցները գոհունակությամբ ընդգծեցին Հայաստանի և Վատիկանի միջև հարաբերությունների բարձր մակարդակը՝ երկուստեք պատրաստակամություն հայտնելով ձեռնարկելու գործնական քայլեր քաղաքական երկխոսության հետագա ամրապնդման և երկկողմ օրակարգի առավել հարստացման ուղղությամբ: Երկկողմ հարաբերությունների խթանման հարցում առանձնահատուկ կարևորվեցին Հռոմի պապեր Հովհաննես Պողոս Երկրորդի և Ֆրանցիսկոս Առաջինի այցերը Հայաստան։

Անդրադառնալով ցեղասպանությունների և մարդկության դեմ հանցագործությունների կանխարգելման օրակարգի առաջմղման գործում Հայաստանի նախաձեռնություններին՝ նախարարի պաշտոնակատար Մնացականյանն ընդգծեց «այլևս երբեք» կարգախոսի կյանքի կոչման և միջազգային հանրության՝ այս ուղղությամբ գործնական քայլերի ձեռնարկման անհրաժեշտությունը:

Զրուցակիցները մտքեր փոխանակեցին Մերձավոր Արևելքում էթնիկ և կրոնական փոքրամասնությունների առջև ծառացած մարտահրավերների և դրանց պաշտպանության ուղղությամբ միջազգային հանրության ջանքերի շուրջ։

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ