Ժամանակը Երևանում՝ 11:07:36,   11 Դեկտեմբեր

ՄԱԿ-ի գլխավոր քարտուղարն ուղերձ է հղել Մարդու իրավունքների օրվա առթիվ


ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: ՄԱԿ-ի գլխավոր քարտուղար Անտոնիու Գուտերեշն ուղերձ է հղել Մարդու իրավունքների օրվա առթիվ: Ինչպես հաղորդում է«Արմենպրես»-ը, ուղերձում, մասնավորապես ասված է. 

«70 տարի շարունակ  «Մարդու իրավունքների համընդհանուր հռչակագիր»-ը գլոբալ փարոս է եղել՝ լույս սփռելով արժանապատվության, հավասարության և բարեկեցության համար…և հույս բերելով խավարին:

Հռչակագրում ամրագրված իրավունքները կիրառելի են բոլորի համար՝ անկախ ռասսայից, հավատից, բնակության վայրից կամ որևէ այլ առանձնահատկությունից: Մարդու իրավունքները համընդհանուր են և հարատև: Դրանք անքակտելի են։ Հնարավոր չէ առանձնացնել և ընտրել քաղաքացիական, քաղաքական, տնտեսական, սոցիալական կամ մշակութային իրավունքներ։

Այսօր մենք նաև պատվում ենք մարդու իրավունքների պաշտպաններին, ովքեր վտանգում են իրենց կյանքը հանուն մարդկանց պաշտպանության՝ չնայած ավելացող ատելությանը, ռասիզմին, անհանդուրժողականությանը և ճնշմանը:

Իրապես, մարդու իրավունքներն ամբողջ աշխարհում պաշարման մեջ են գտնվում: Համամարդկային արժեքները քայքայվում են: Օրենքի գերակայությունը թուլանում է: Առավել քան երբևէ, այսօր մեր համընդհանուր պարտավորությունը հստակ է: Ելնե՛նք հանուն մարդու իրավունքների՝ բոլորի համար և ամենուր»:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ