Բաչկովը կմասնակցի աշխարհի ուժեղագույն բռնցքամարտիկների երեկոյին
18:14, 6 Դեկտեմբեր 2018
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Բռնցքամարտի Հայաստանի թիմի անդամ Հովհաննես Բաչկովը Մոսկվայում կմասնակցի համաշխարհային բռնցքամարտի երեկոյին:
«Արմենպրես»-ի հաղորդմամբ` դեկտեմբերի 9-ին Մոսկվայում կայանալիք շոուի ընթացքում Ռուսաստանի հավաքականի բռնցքամարտիկները մենամարտ կանցկացնեն աշխարհի ուժեղագույն բռնցքամարտիկների հետ: Աշխարհի հավաքականի կազմում հանդես կգա նաեւ Հայաստանի ներկայացուցիչ Հովհաննես Բաչկովը, ով կմրցի Ալեքսեյ Մազուրի հետ: Հայ բռնցքամարտիկը Մոսկվայում հանդես կգա մարզիչ Կարեն Ղազարյանի գլխավորությամբ: Երեկոյի ընթացքում նախատեսված է անցկացնել 3 րոպե տեւողությամբ 5 ռաունդանոց 8 մենամարտ:
Բաժանորդագրվեք մեր ալիքին Telegram-ում