Կառավարությունը մտադիր է հրաժարվել ԱԺ պատգամավոր Արամ Հարությունյանից վարձակալած գույքից
14:34, 6 Դեկտեմբեր 2018
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ կառավարությունը մտադիր է հրաժարվել ՀՀ ԱԺ պատգամավոր Արամ Հարությունյանից վարձակալած գույքից:
«Արմենպրես»-ի փոխանցմամբ՝ այս մասին դեկտեմբերի 6-ին ՀՀ կառավարությունում լրագրողների հետ զրույցում ասաց ՀՀ պետգույքի կոմիտեի նախագահ Նարեկ Բաբայանը:
«Կառավարությունն իր կարիքներից ելնելով ստիպված վարձակալել էր Արամ Հարությունյանի գույքը, և հիմա փորձում ենք ամեն ինչ անել, որ այդ վարձակալությունը խզենք և պետական գույքի հաշվին այդ պետական կառույցները տեղավորենք: Այդտեղ գտնվում են ազգային վիճակագրական ծառայության ու գանձապետարանի վարձակալած տարածքները»,- ասաց Բաբայանը:
Բաժանորդագրվեք մեր ալիքին Telegram-ում