ԵՊՀ-ն ու ՀԱՀ-ն կրթական նոր ծրագրեր կունենան. Կառավարությունը հաստատեց 2019- 2020 ուստարվա մասնագիտությունների ցանկը
12:12, 6 Դեկտեմբեր 2018
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Կառավարությունը հաստատեց ՀՀ բարձրագույն ուսումնական հաստատությունների բակալավրի ու անընդհատ և ինտեգրացված կրթական ծրագրերով 2019-2020 ուսումնական տարվա մասնագիտությունների ու ընդունելության քննությունների ցանկը:
«Արմենպրես»-ի փոխանցմամբ՝ նախագիծը հաստատվեց ՀՀ կառավարության դեկտեմբերի 6-ին տեղի ունեցած հերթական նիստում:
«Որոշակի փոփոխություններ են կատարվել: Ամերիկյան համալսարանը «Տվյալագիտություն» կրթական ծրագիր է իրականացնելու, ԵՊՀ-ն՝«Կիրառական վիճակագրություն», տվյալների գիտություն: Մասնավոր բուհերից որոշները դադարեցրել են կրթական գործունեությունը»,- ասաց ՀՀ կրթության և գիտության փոխնախարար Հովհաննես Հովհաննիսյանը:
Բաժանորդագրվեք մեր ալիքին Telegram-ում