Սլովակիան ռուս դիվանագետի է արտաքսել լրտեսության մեղադրանքով
14:55, 5 Դեկտեմբեր 2018
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: Սլովակիան ռուս դիվանագետի է արտաքսել երկրից: Այդ մասին, ինչպես տեղեկացնում Է «Արմենպրես»-ը, դեկտեմբերի 5-ին լրագրողներին հայտնել Է հանրապետության վարչապետ Պետեր Պելեգրինին: Բրիֆինգը հեռարձակում Էին բրատիսլավյան ցանցային ալիքները:
«Ռազմական հետախուզությունից ստացված տեղեկատվության հիման վրա 2018 թվականի նոյեմբերի 22-ին դիվանագետ Է արտաքսվել Սլովակիայում ՌԴ-ի դեսպանության ռազմական կցորդի աշխատակազմից: Նա հայտարարված Էր պերսոնա նոն գրատա, քանի որ հետախուզական գործունեությամբ Էր զբաղվում Սլովակիայի եւ ՆԱՏՕ-ի դեմ»,- ասել Է վարչապետը:
Ռուս դիվանագետը Սլովակիայի տարածքը լքել Է 48 ժամվա ընթացքում այն բանից հետո, երբ հայտարարվել Էր պերսոնա նոն գրատա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում