Մոսկվայում ամանորյա տոնակատարությունների ժամանակ կսահմանափակեն ալկոհոլի վաճառքը
19:28, 3 Դեկտեմբեր 2018
ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության մայրաքաղաք Մոսկվայում ամանորյա տոնակատարությունների վայրերում կսահմանափակվի ալկոհոլային խմիչքների վաճառքը: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Մոսկվայի տարածքային անվտանգության ու հակակոռուպցիոն դեպարտամենտի ղեկավար Վլադիմիր Չերնիկովը նշել է, որ որոշումն արդեն ավանդական բնույթ ունի: «Դա արդեն ոչ մեկի մոտ զարմանք չի առաջացնում: Մարդիկ սովորել են, որ այն վայրերում, ուր մասսայական միջոցառումներ են, ալկոհոլ չի վաճառվում»,- ասել է նա՝ նշելով, որ խնդրի առնչությամբ որևէ անհանգստություն չկա:
Բաժանորդագրվեք մեր ալիքին Telegram-ում