1000х90.jpg (78 KB)

Երևանում՝ 11:07,   29 Մարտ 2024

Պետնախարարն ընդունել է ՀՀ գյուղատնտեսության նախարարի պաշտոնակատարի գլխավորած պատվիրակությունը

Պետնախարարն ընդունել է ՀՀ գյուղատնտեսության նախարարի պաշտոնակատարի 
գլխավորած պատվիրակությունը

ԵՐԵՎԱՆ , 3 ԴԵԿՏԵՄԲԵՐԻ, ԱՐՄԵՆՊՐԵՍ: Արցախի Հանրապետության պետական նախարար Գրիգորի Մարտիրոսյանը դեկտեմբերի 3-ին ընդունել է ՀՀ գյուղատնտեսության նախարարի պաշտոնակատար Գեղամ Գևորգյանի գլխավորած պատվիրակությանը:

Ինչպես «Արմենպրես»-ի տեղեկացրի Արցախի Հանրապետության պետական նախարարի աշխատակազմի տեղեկատվության և հասարակայնության հետ կապերի բաժնից, պետնախարարը գոհունակություն է հայտնել Արցախի գործընկեր գերատեսչության հետ ձևավորված բարձր մակարդակի հարաբերությունների առթիվ և նշել, որ փոխգործակցության զարգացման նպատակով պետք է ընդլայնել համատեղ իրականացվող ծրագրերի շրջանակը։ Գ. Մարտիրոսյանը հատկապես առանձնացրել է մասնագիտական փորձի փոխանակման և վերապատրաստման գործընթացը՝ ընդգծելով դրա կարևորությունը աշխատանքի արդյունավետության բարձրացման հարցում։

Շնորհակալություն հայտնելով ջերմ ընդունելության համար՝ ՀՀ գյուղատնտեսության նախարարի պաշտոնակատար Գեղամ Գևորգյանը ներկայացրել է աշխատանքային այցի օրակարգը՝ վերահաստատելով երկու գերատեսչությունների միջև առկա սերտ հարաբերությունները: Նա մասնավորապես նշել է, որ երկու նախարարությունների մակարդակով պայմանավորվածություն է ձեռք բերվել, որ Սյունիքի և Գեղարքունիքի մարզերի գյուղատնտեսական որոշ ծառայություններ մատուցող պետական ընկերությունների մասնագետներն անհրաժեշտ աջակցություն ցուցաբերեն նաև Շահումյանի և Քաշաթաղի շրջանների բնակիչներին։

Հանդիպման ընթացքում քննարկվել են այգեգործության զարգացման, ալկոհոլային խմիչքների և արտահանման նպատակով Արցախում արտադրվող ապրանքների իրացման համար միասնական հնարավորությունների օգտագործման, ինչպես նաև գյուղատնտեսության մի շարք ճյուղերի կայուն զարգացման նպատաով նոր տեխնոլոգիաների ներդրմանը վերաբերող հարցեր։

Հանդիպմանը մասնակցել է նաև ԱՀ գյուղատնտեսության նախարար Ժիրայր Միրզոյանը։

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]