Պաղեստինի առաջնորդը Թրամփի վարչակազմն արգելք է համարում Մերձավոր Արեւելքի խաղաղության համար
ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: Պաղեստինի առաջնորդ Մահմուդ Աբասն ԱՄՆ-ի ներկայիս վարչակազմն արգելք Է համարում Մերձավոր Արեւելքի հիմնախնդրի խաղաղ կարգավորման համար եւ բանակցություններում հույսը դնում Է ուրիշների, ներառյալ Ռուսաստանի վրա, տեղեկացնում Է «Արմենպրես»-ը:
«Մենք ոչ մի ընդհանուր բան չենք ցանկանում ունենալ ԱՄՆ-ի այդ վարչակազմի հետ, մենք նրանցից (խաղաղ կարգավորման) ոչ մի պլան չենք ընդունի, որը խախտում Է միջազգային իրավունքը եւ չի համապատասխանում միջնորդների դերին: ԱՄՆ-ը մի շարք պատժիչ միջոցներ Է ձեռնարկել Պաղեստինի նկատմամբ, եւ նա չի կարող այլեւս միակ միջնորդը լինել»,- հայտարարել Է Աբասը, որը Հռոմ Է ժամանել՝ հադիպելու Հռոմի պապի եւ Իտալիայի ղեկավարության հետ, դեկտեմբերի 3-ին La Stampa թերթում հրապարակված հարցազրույցում: Նա նաեւ Դոնալդ Թրամփի վարչակազմն «արգելք» Է համարել տարածաշրջանում «խաղաղության հասնելու համար»:
Ըստ որում Պաղեստինի առաջնորդը նշել Է, որ ստեղծված պայմաններում պատրաստ Է ուղղակի երկխոսություն վարել Իսրայելի հետ եւ հույսը դնում Է մյուս երկրների միջնորդության վրա: «Եվրոպան կարող Է խաղալ իր դերը: Եվ մենք բաց ենք ուղղակի երկխոսության համար»,- նշել Է Աբասը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում