Ժամանակը Երևանում՝ 11:07:36,   12 Դեկտեմբեր

Կարլսենի դարաշրջանը շարունակվում է. շախմատի աշխարհի չեմպիոնը մնաց նույնը


ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: Շախմատի աշխարհի գործող չեմպիոն Մագնուս Կարլսենը պահպանեց չեմպիոնի կոչումը:

«Արմենպրես»-ի հաղորդմամբ՝ Լոնդոնյան մրցախաղի ելքը որոշվեց թայ-բրեյքում: ԱՄՆ ներկայացուցիչ Ֆաբիանու Կարուանան թայ-բրեյքում չկարողացավ ոչ մի հաղթանակ տոնել, և Կարլսենը հաղթեց 3:0 հաշվով:

Նորվեգ Մագնուս Կարլսենն արդեն 4-րդ անգամ պահպանեց աշխարհի չեմպիոնի կոչումը:

Մագնուսն աշխարհի 16-րդ չեմպիոնն է: Նա այս տիտղոսը նվաճեց 2013 թվականին՝ գերազանցելով աշխարհի 15-րդ չեմպիոն Վիշի Անանդին: 2014 թվականին Կարլսենը պահպանեց չեմպիոնի կոչումը Անանդի հետ մրցախաղում, իսկ 2016 թվականին՝ հաղթեց ռուս Սերգեյ Կարյակինին:

Կարլսենը շախմատի պատմության մեջ ամենաբարձր վարկանիշ ունեցող շախմատիստն է:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ