Ժամանակը Երևանում՝ 11:07:36,   2 Հուլիս 2022

Մհեր Գրիգորյանն ընդունել է «Ցե-Կվադրատ Ամպեգա Ասեթ Մենեջմենթ Արմենիա» ընկերության ներկայացուցիչներին

Մհեր Գրիգորյանն ընդունել է «Ցե-Կվադրատ Ամպեգա Ասեթ Մենեջմենթ Արմենիա» 
ընկերության ներկայացուցիչներին
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ:  Փոխվարչապետի պաշտոնակատար Մհեր Գրիգորյանն ընդունել է «Ցե-Կվադրատ Ամպեգա Ասեթ Մենեջմենթ Արմենիա» ընկերության դիտորդ խորհրդի նախագահին և անդամներին, ինչպես նաև ընկերության գլխավոր գործադիր տնօրենին:

 Ինչպես «Արմենպրես»-ին այս մասին տեղեկացրին Մհեր Գրիգորյանի գրասենյակից, փոխվարչապետի պաշտոնակատարը, ողջունելով հյուրերին, շնորհավորել է նրանց ընկերության 5-ամյակի կապակցությամբ և մաղթել նորանոր հաջողությունների իրենց գործունեության մեջ: Ընկերության խորհրդի անդամները շնորհակալություն են հայտնել ընդունելության համար՝ նշելով, որ Հայաստանում ստեղծված բարենպաստ մթնոլորտն էլ ավելի է նպաստում ընկերության արդյունավետ գործունեությանը:

Հանդիպման ընթացքում ընկերության դիտորդ խորհրդի անդամ և հայտնի «Կերխեր» ընկերության համասեփականատեր Յոհաննես Կերխերը ներկայացրել է փոխվարչապետի պաշտոնակատարին իր տպավորությունները Հայաստանից և հույս հայտնել, որ Հայաստանում իրականացվող բարեփոխումները կնպաստեն երկրի հետագա զարգացմանը:

Զրուցակիցները մտքեր են փոխանակել Հայաստանի տնտեսության զարգացման հնարավորությունների և հեռանկարի շուրջ:







youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]