Ռուսաստանը միջնորդների անհրաժեշտություն չի տեսնում Կերչի նեղուցի միջադեպը կարգավորելու համար. Լավրով
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանը միջնորդների անհրաժեշտություն չի տեսնում Կերչի նեղուցում տեղի ունեցած միջադեպի շուրջ իրադրությունը կարգավորելու համար, ՌԴ-ի եւ Ուկրաինայի իշխանություններն իրենք կարող են քննարկել առկա հարցերը: Այդ մասին, ինչպես հաղորդել Է ՏԱՍՍ-ը, նոյեմբերի 27-ին հայտարարել Է ՌԴ արտաքին գործերի նախարար Սերգեյ Լավրովը՝ ամփոփելով Ֆրանսիայի իր պաշտոնակից Ժան Իվ լը Դրիանի հետ կայացած բանակցությունների արդյունքները, տեղեկացնում Է «Արմենպրես»-ը:
«Երեկ Կերչի նեղուցում միջադեպի շուրջ ստեղծված իրադրությունը քննարկվել Է նախագահ Պուտինի եւ Գերմանիայի կանցլեր Անգելա Մերկելի հեռախոսազրույցի ընթացքում, որը զանգահարել Էր Վլադիմիր Վլադիմիրովիչին, եւ ձեռք Է բերվել որոշակի ըմբռնում, որը, կարծում եմ, մոտ ժամանակներս կիրագործվի: Ես որեւԷ միջնորդի անհրաժեշտություն չեմ տեսնում: Կարծում եմ, որ սա բացառապես գործնական հարց Է»,-ասել Է նա:
«Գործնականում, կարծում եմ, երկու երկրների տեղական սահմանապահ իշխանությունների մակարդակով միանգամայն կարելի Է քննարկել այդ հարցերը, եթե կան տեխնիկական հարցեր, որոնք ուկրաինական կողմին մինչեւ վերջ հասկանալի չեն»,-ընդգծել Է Լավրովը:
Բաժանորդագրվեք մեր ալիքին Telegram-ում