1000х90.jpg (78 KB)

Երևանում՝ 11:07,   29 Մարտ 2024

Շարմազանովի կարծիքով` նախկին իշխանության ներկայացուցիչներին ներկայում պաշտոններ տալը նշանակում է, որ անցյալում շատ համակարգերում կոռուպցիա չի եղել  

Շարմազանովի կարծիքով` նախկին իշխանության ներկայացուցիչներին ներկայում 
պաշտոններ տալը նշանակում է, որ անցյալում շատ համակարգերում կոռուպցիա չի եղել

 

 ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ:  ԱԺ փոխնախագահ,ՀՀԿ մամուլի խոսնակ Էդուարդ Շարմազանովի կարծիքով` նախկին իշխանության կարկառուն ներկայացուցիչներին  պաշտոններ տալով` ներկայիս իշխանությունն ընդունում է, որ այդ ոլորտներում համատարած թալան չի եղել: «Արմենպրես»-ի հաղորդմամբ` Շարմազանովն այս մասին ասաց ԱԺ-ում լրագրողների հետ զրույցում:

«Չենք մերժում, թե Հայաստանում կան կոռուպցիոն դրսևորումներ, ինչպես որ ցանկացած երկրում: Բայց մեր նոր իշխանությունը… ասաց, թե  համատարած թալանել են երկիրը, համատարած կոռուպցիա է եղել: Իսկ հնարավո՞ր է համատարած կոռուպցիա առանց բանակի, առանց նախագահի վերահսկողության ծառայության, առանց ԱԱԾ-ի, ոստիկանության: Եթե մի պետությունում կա համատարած թալան, ուրեմն այդ մարմինները պետք է թաթախված լինեն կոռուպցիայի մեջ: Բայց հիմա նախկին վերահսկողության պետին,  նախագահի վերահսկողության պետին, հարկայինի պետին նշանակել են շատ բարձր պաշտոնների: Եթե նշանակել են, ուրեմն այդ մարդիկ մաքուր են, ուրեմն կոռուպցիա չի եղել այդ համակարգերում»,-ասաց Շարմազանովը:

Նա նշեց, որ եթե Դավիթ Տոնոյանը նշանակվել է պաշտպանության նախարար, նշանակում է, որ բանակում չի եղել համատարած կոռուպցիա: «ԱԱԾ պետ նշանակել են Արթուր Վանեցյանին, շատ էլ լավ են արել, բայց Արթուր Վանեցյանը երկրորդական մարդ չի եղել, եղել է Երևանի ԱԱԾ պետի տեղակալը, ուրեմն, եթե նշանակել են, նա չի եղել կոռուպցիոն սկանդալի մեջ,-նշեց Շարմազանովը:-Երկրում չի կարող լինել համատարած թալան, եթե համատարած թալանի մեջ չեն բարձրաստիճան պաշտոնյաները»,- եզրափակեց նա:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]