Ժամանակը Երևանում՝ 11:07:36,   14 Դեկտեմբեր

Հանքարդյունաբերություն ոլորտում գործող 127 ընկերության ներկայացվել է ապառքների մասով զգուշացում


ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Հայաստանում հանքարդյունաբերություն ոլորտում գործող 127 ընկերության ներկայացվել է ապառքների մասով համապատասխան զգուշացում` պարտականությունները կատարելու հետ կապված:

«Արմենպրես»-ի հաղորդմամբ` այս մասին լրագրողների հետ հանդիպմանը հայտարարեց ՀՀ էներգետիկայի և բնական պաշարների նախարարի պաշտոնակատար Գարեգին Բաղրամյանը:

«Ընդհանուր ուսումնասիրվել են բոլոր այն թույլտվությունները, որոնք ունենք տրված այս դաշտում: Արդեն վերականգնվել է 134 միլիոն դրամ: 28 ընկերություններից 23-ի նկատմամբ զգուշացումներ են ներկայացվել, իսկ հինգի՝ ընդերքի օգտագործման իրավունքները դադարեցվել են պարտավորությունները չկատարելու համար»,-ասաց Բաղրամյանը՝  չնշելով, թե որ ընկերությունների մասին է խոսքը:

 «Այս պահին չեմ հիշում, թե որ ընկերություններն են: Ինֆորմացիա կարող եք ստանալ մեր նախարարությունից»,-նշեց նա: Խոսելով առաջիկա անելիքներից՝ նախարարի պաշտոնակատարն ասաց, որ Իրան-Հայաստան երրորդ էլեկտրահաղորդման գծի կառուցման մասով աշխատանքները շարունակվելու են:

 «Բոլոր մեր պետական ձեռնարկություններում այսօր իրականացվում է հաստիքացուցակների և աշխատողների վերանայում, օպտիմալացում, ուսումնասիրվում են գործող սակագներում ներառված ծախսերը, գնումների ընթացակարգերը։ Որևէ ավելորդ ծախս բացառվելու է»,- հավելեց Գարեգին Բաղրամյանը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ