ԱՄՆ-ը դադարեցրել է ֆինանսական օգնությունը Պակիստանին
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Միացյալ Նահանգները դադարեցրել Է վճարումները Պակիստանին, քանի որ Իսլամաբադը ոչ մի ջանք չի գործադրում Վաշինգտոնին օգնելու համար: Նոյեմբերի 20-ին այս մասին հայտարարել Է ԱՄՆ-ի նախագահ Դոնալդ Թրամփը՝ Սպիտակ տան բացատում պատասխանելով լրագրողների հարցերին, տեղեկացնում Է «Արմենպրես»-ը:
«Ես ցանկանում եմ, որ Պակիստանն օգնի մեզ: Մենք այլեւս 1,3 միլիարդ դոլար չենք վճարում Պակիստանին: Մենք նրանց ոչինչ չենք վճարում, որովհետեւ նրանք ոչինչ չեն արել մեզ օգնելու համար»,- ասել Է նա:
Նոյեմբերի 18-ին Fox News հեռուստաալիքին տված հարցազրույցում Թրամփը հայտարարել Էր, որ Իսլամաբադը «ոչինչ չի անում» Վաշինգտոնի համար՝ նկատի ունենալով պայքարն ահաբեկչության դեմ: Նոյեմբերի 19-ին Թրամփը Twitter-ում գրել Էր, որ Պակիստանն այն երկրներից մեկն Է, որը շատ բան Է վերցրել ԱՄՆ-ից, բայց փոխարենը ոչինչ չի տվել, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում