Նոյեմբերի 21-ին սպասվող իրադարձությունները
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Այսօր՝ նոյեմբերի 21-ին, «Երևանի ՋԷԿ»-ում նախատեսված է ՀՀ էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանի ասուլիսը:
ՀՀ ազգային ժողովում տեղի կունենա արտահերթ նիստ:
Այսօր ՀՀ վարչապետի պաշտոնակատար Նիկոլ Փաշինյանը կմեկնի Արագածոտնի մարզ:
Հայաստանում կանցկացվի 6-րդ ամենամյա Բիզնես ինովացիոն ֆորումը, որի առանցքում Հայաստանի արդիականացման ծրագիրն է: Ֆորումին ընդառաջ Առաջատար տեխնոլոգիաների ձեռնարկությունների միության (ԱՏՁՄ) գործադիր տնօրեն Կարեն Վարդանյանը և «Աջակցություն ՓՄՁ զարգացմանը Հայաստանում» ծրագրի թիմի ղեկավար Մարիամ Բաբայանը կներկայացնեն մանրամասներ:
Այսօր Երևանում կնշվի Չինաստանի բարեփոխումների քաղաքականության 40 տարին:
Մեկնարկում է Հայաստանում աշխարհագրական նշումով գինիների համակարգ ստեղծելու և դրա լիիրավ կիրարկմանն ու զարգացմանն ուղղված աշխատաժողովը: Հայաստան է ժամանել ֆրանսիացի փորձագետներից կազմված խումբ:
Լրագրողների հետ կհանդիպի Մարդկային զարգացման միջազգային կենտրոնի նախագահ Թևան Պողոսյանը: Նա կանդրադառնա հայաստանյան ներքաղաքական զարգացումներին:
Հայաստանի նկարիչների միությունում տեղի կունենա արվեստագետ Աշոտ Տաթևոսյանի «Արեւամարդը» /«SUNMAN»/ արտ-նախագծի երևանյան ցուցադրությունը: Աշոտ Տաթևոսյանը Հայաստանի և Ռուսաստանի նկարիչների և ճարտարապետների միության անդամ է:
Այս և այլ թեմաների մասին կարող եք մանրամասն ընթերցել armenpress.am կայք էջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում