Փաշինյանը կոչ է անում ակտիվորեն մասնակցել «Հեռուստամարաթոն-2018»-ի շրջանակում անցկացվող դրամահավաքին
14:44, 20 Նոյեմբեր 2018
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: ՀՀ վարչապետի պաշտոնակատար Նիկոլ Փաշինյանը կոչ է անում ակտիվորեն մասնակցել «Հայաստան» համահայկական հիմնադրամի «Հեռուստամարաթոն-2018»-ի շրջանակում անցկացվող դրամահավաքին:
«Գիտեք, որ հեղափոխությունից հետո այնտեղ տեղի են ունեցել ձեզ հայտնի գործընթացները: Մեր խնդիրներից է հիմնադրամի նկատմամբ վստահությունը մեծացնելը: Բոլորը համոզված լինեն, որ մենք նախանձախնդիր ենք և լինելու ենք այդպիսին՝ ամեն նվիրաբերված գումարին ծախսման արդյունավետության առումով: Հույս ունեմ, նվիրատվությունների չափը էականորեն կմեծանա: Նախնական ասել են, որ Կանադայի, Ֆրանսիայի դրամահավաքի արդյունքներով նախորդ տարվա ցուցանիշից էականորեն ավելի գումար է հավաքվել»,- «Արմենպրես»-ի հաղորդմամբ, ասաց Նիկոլ Փաշինյանը:
Բաժանորդագրվեք մեր ալիքին Telegram-ում