Ժամանակը Երևանում՝ 11:07:36,   13 Դեկտեմբեր

«Միջազգային խաղերը շատ են հարկավոր».Արթուր Ոսկանյան


ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի մինչև 19 տարեկանների թիմի գլխավոր մարզիչ Արթուր Ոսկանյանն ամփոփեց Մ-19 հավաքականների ընկերական մրցաշարում մեր ընտրանու ելույթները:

«Գիտեինք, թե ինչ հավաքականներ են գալու, բոլոր երեք խաղերում հորդորում էինք տղաներին, որ, ամենակարևորը, ֆուտբոլ խաղան, ինչքան որ կարող են: Ամեն դեպքում պետք է հաշվի առնել, թե ինչ առաջնություններում են խաղում մեր տղաները, իսկ իրենք չեն խաղում նույնիսկ Առաջին խմբի առաջնությունում: Չորս դարպասապահ էինք հրավիրել, չորսն էլ իրենց թիմերում չեն խաղում: Նույնիսկ տարիքով ավելի փոքր դարպասապահ հրավիրեցինք, քանի որ նա ինչ-որ չափով խաղում է իր թիմում: Հրավիրվում է Առաջին խմբի մասնակից թիմ, բայց այնտեղ էլ չի խաղում»,-«Արմենպրես»-ի հաղորդմամբ՝ մարզչի խոսքերը փոխանցում է ՀՖՖ-ն:

Ոսկանյանը խոսքով՝ բոլոր դիրքերում խնդիրներ կային, բայց նրանք փորձել են խաղալ ֆուտբոլ հզոր հավաքականների դեմ: «Ինչքանով ստացվեց, տեսաք, բայց ամենակարևորն այն էր, որ բոլոր խաղերում ունեցանք գոլային պահեր: Ֆիզիկապես շատ ենք զիջում և դա գալիս ոչ թե ֆիզպատրաստության մարզչից, այլ հիմնական պատճառն այն է, որ տղաները բարձր տեմպով խաղեր չեն անցկացնում և չեն կարող ֆիզիկական որակները բարելավել»,-ասել է նա:

Հայաստանի Մ19 տարեկանների թիմը պարտվեց մասնակից բոլոր թիմերին՝ Նիդեռլանդներին, Պորտուգալիային և Գերմանիային:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ