«Ֆանտաստիկ արարածների» երկրորդ մասը դրամամուտքի բազմաթիվ ռեկորդներ Է սահմանել, բայց ոչ ԱՄՆ-ում
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: «Ֆանտաստիկ արարածների» մասին սերիալի երկրորդ մասը, որը պատմում Է Ջոան Ռոուլինգի ստեղծագործություններից կախարդների աշխարհի մասին, վարձույթի առաջին օրերին բավականին թույլ արդյունք Է արձանագրել ԱՄՆ-ում եւ Կանադայում, սակայն այն փոխհատուցել Է այլ շուկաներում ունեցած լավ դրամամուտքերով: Այդ մասին, ինչպես տեղեկացնում Է «Արմենպրես»-ը, վկայում են BoxOfficeMojo կայքի տվյալները:
Հյուսիսային Ամերիկայում դրամական մուտքերն անցած հանգստյան օրերին 16 տոկոսով պակաս են եղել, քան երկու տարի առաջ՝ 62,2 մլն դոլար, Warner Bros. ստուդիան ակնկալում Էր ստանալ 65 մլն դոլար: Ընդհանուր առմամբ աշխարհում «Ֆանտաստիկ արարածների» երկրորդ Էպիզոդի դրամամուտքերը գերազանցել Է 253 մլն դոլարը, դա 38-րդ արդյունքն Է կինոդեբյուտների ողջ պատմության ընթացքում:
Արտադրական բյուջեն կազմել Է մոտավորապես 200 մլն դոլար: Բացի Ռուսաստանից, ռեկորդներ են սահմանել եւս 17 երկրներ, ներառյալ Բրազիլիան: Չինաստանը դրամամուտքերի ծավալով առաջին տեղն Է զբաղեցրել՝ առանց ԱՄՆ-ի ու Կանադայի հաշվառման (37,5 մլն դոլար), բայց ցուցանիշն ավելի թույլ Է եղել, քան ֆրանշիզայի օրիգինալ ֆիլմինը (40,4 մլն դոլար), հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում