Ֆուեգո հրաբխի ժայթքման պատճառով Գվատեմալայում տարահանում են հայտարարել
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Գվատեմալայի իշխանությունները տարահանում են հայտարարել Ֆուեգո հրաբխի անմիջական մերձակայքում գտնվող շրջաններում, որը վերջին 24 ժամվա ընթացքում վտանգավոր կերպով ակտիվացել Է: Այդ մասին, ինչպես տեղեկացնում Է «Արմենպրես»-ը, նոյեմբերի 19-ին հայտնել Է Associated Press լրատավական գործակալությունը:
Mantenemos un monitoreo constante ante la nueva fase eruptiva del #VolcanDeFuego. pic.twitter.com/8lsmkhf1vG
— AndrsMaza (@andrs_maza) 19 ноября 2018 г.
Ութ բնակավայրերի բնակիչների, որտեղ ընդհանուր առմամբ շուրջ երկու հազար մարդ Է բնակվում, հաստատակամորեն խորհուրդ են տվել մեկնել անվտանգ վայրեր: Տեղական իշխանությունները տարահանման վերաբերյալ որոշում կկայացնեն ինքնուրույն, սակայն արդեն հայտնի Է, որ առնվազն երեք համայնքներ որոշել են հեռանալ իրենց տներից: Ֆուեգոն, որն ամենաակտիվ հրաբուխներից մեկն Է Կենտրոնական Ամերիկայում, սկսել Է ակտիվորեն ժայթքել նոյեմբերի 18-ին: Նախորդ հուժկու ժայթքումը եղել Է հուլիսին, այն ժամանակ դրա զոհ դարձավ գրեթե 200 մարդ, հաղորդել Է «Ինտերֆաքս» գործակալությունը:
Բաժանորդագրվեք մեր ալիքին Telegram-ում