Երևանում՝ 11:07,   19 Մարտ 2024

Սերգեյ Բագրատյանի կարծիքով՝ քաղաքագիտական առումով ընտրություններից առաջ որևէ քաղաքական ուժի շանսերի մասին խոսելը լուրջ չէ

Սերգեյ Բագրատյանի կարծիքով՝ քաղաքագիտական առումով ընտրություններից առաջ 
որևէ քաղաքական ուժի շանսերի մասին խոսելը լուրջ չէ

ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: ԲՀԿ փոխնախագահ, ԱԺ պատգամավոր Սերգեյ Բագրատյանի կարծիքով, հետհեղափոխական ոգևորվածությունը կարող է իր դերը խաղալ, բայց ոչ վճռորոշ:

«Արմենպրես»-ի հաղորդմամբ՝ պատգամավորն այսպիսի կարծիք հայտնեց՝ անդրադառնալով արտահերթ խորհրդարանական ընտրությունների ժամանակ ԲՀԿ ակնկալիքներին:

«Քաղաքագիտական առումով՝ ընտրություններից առաջ, գուշակել որևէ քաղաքական ուժի տեղի և դերի մասին՝ նոնսենս է: Եթե բոլորս կարողանանք սպասարկել հանրային ակնկալիքները, ապա ժողովուրդն իր քվեով կհաստատի յուրաքանչյուր ուժի տեղը: Չեմ կարծում, որ ճիշտ է ժամանակից առաջ ընկնել և ասել, թե մենք լավագույն ընդդիմությունը կամ երկրորդ տեղում կլինենք»,- շեշտեց պատգամավորը: 

Խոսելով ետհեղափոխական ազդեցությունից՝ արդյոք հնարավո՞ր է, որ այն վճռորոշ դեր ունենա, նա նշեց, որ այդ ոգևորվածությունը դեռևս կա ժողովրդի մեջ և գուցե իր դերն ունենա:

«Պետք է նաև հասկանալ, որ վերջին շրջանում սկսել են ավելի ակտիվ բարձրացվել սոցիալական խնդիրները: Օրինակ` հանքարդյունաբերության հետ կապված մի քանի խնդիր ունեցանք, մարդկանց թոշակների, աշխատավարձերի բարձրացման հետ կապված խնդիրներ կան: Այսինքն՝ աստիճանաբար, հանրային պահանջները փոխվում են: Սպասել, որ միշտ նույն ոգևորվածությունը կլինի, ճիշտ չէ: Կարծում եմ, որ աստիճանաբար ոգևորվածությունը զիջում է սառը դատողությանը, և քաղաքական ներկապնակում բազմակարծությունը պետք է ապահովել ամեն գնով: Դա առավել կարևոր է մեր հանրային կյանքում, որովհետև առանց լուրջ բանավեճերի, առանց հակադրությունների լավագույն օրենքները չեն ստեղծվում և լավագույն որոշումները չեն ընդունվում, պետք է սա հաշվի առնել: Աշխարհում չկա նման բան, որ որևէ քաղաքական ուժ, լինելով բացարձակ մեծամասնություն, կարողանա իսկապես վճռորոշ պահերին ճիշտ որոշում ընդունել, դա դժվարագույն խնդիր է ցանկացած երկրում»,- ասաց Բագրատյանը:

Հայաստանում խորհրդարանական արտահերթ ընտրությունները տեղի են ունենալու դեկտեմբերի 9-ին: Քարոզարշավը սկսվելու է նոյեմբերի 26-ից:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]