Ժամանակը Երևանում՝ 11:07:36,   10 Դեկտեմբեր

Հեծանվորդ Էդգար Ստեփանյանը մի քանի օրից նորից կսկսի մարզումները  


ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Հեծանվասպորտի հավաքականի անդամ Էդգար Ստեփանյանը մի քանի օրից կվերադառնա մարզումների:

«Արմենպրես»-ի հետ զրույցում այս մասին փաստեց անձամբ Ստեփանյանը: Վերջինս շեշտեց, որ Փարիզի աշխարհի գավաթի փուլում ստացած վնասվածքը սկսել է բուժել հայրենիք վերադառնալուց հետո, և բուժման կուրսը քիչ-քիչ մոտենում է ավարտին:

«Հետազոտությունը ցույց տվեց, որ ոտքիս մկանաթաղանթը պատռված էր: Մեծ ծանրաբեռնվածությունների ժամանակ այն ավելի էր խորանում: Այդ ընթացքում քարացել էր ամբողջ ոտնաթաթս: Հիմա 20 օր է, ինչ չեմ մարզվում, սակայն մի քանի օրից նորից կվերսկսեմ մարզումներս»,-ասաց նա:

Ստեփանյանի խոսքով` այս տարի այլևս մրցաշարերի չի մասնակցի, սակայն պակաս հնարավոր չէ, որ հունվարին կայանալիք աշխարհի գավաթի խաղարկության երկու փուլից մեկին մասնակցի:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ