Ժամանակը Երևանում՝ 11:07:36,   10 Դեկտեմբեր

Մեկնարկել Է Սանկտ Պետերբուրգի յոթերորդ միջազգային մշակութային համաժողովը


ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Նոյեմբերի 15-ին Սանկտ Պետերբուրգում աշխատանքն Է սկսել յոթերորդ միջազգային մշակութային համաժողովը: Ինչպես հաղորդել Է ՏԱՍՍ-ի թղթակիցը, հանդիսավոր բացումն անցկացրել են Ռուսաստանի փոխվարչապետ Օլգա Գոլոդեցը եւ մշակույթի նախարար Վլադիմիր Մեդինսկին, տեղեկացնում Է «Արմենպրես»-ը:

«Ես շատ ուրախ եմ՝ այսօր ձեզ բոլորիդ ողջունելու յոթերորդ միջազգային մշակութային համաժողովում: Սանկտ Պետերբուրգը մշակութային կյանքի ճանաչված համաշխարհային մայրաքաղաքն Է»,-ասել Է Գոլոդեցը: Նա նշել Է, որ համաժողովին գրանցվել են 35 հազար մասնակիցներ, աշխատելու են 14 սեկցիաներ, որոնք գլխավորում են համաշխարհային մշակույթի առաջատար մասնագետներ:

Գոլոդեցը հույս Է հայտնել, որ համաժողովը «նոր հարթակ կդառնա մշակույթի ոլորտում նոր մեծագործությունների համար հանուն ամբողջ մարդկության բարգավաճման»: Ինչպես սպասվում Է, նոյեմբերի 15-ից մինչեւ 17-ը համաժողովը իր հարթակներում կհավաքի 150 երկրների ներկայացուցիչների:

«Հյուր երկիր» պատվավոր կարգավիճակն այս տարի ստացել են Իտալիան եւ Քաթարը, որոնք հատուկ միջոցառումներ են պատրաստել:

Համաժողովը ներառում Է գործնական ծրագիր եւ փառատոնային մաս, որը նախատեսված Է տեղի բնակիչների ու զբոսաշրջիկների համար: Համաժողովի գործնական աշխատանքն ընթանալու Է 14 սեկցիաներում, որոնք նվիրված են թանգարաններին, թատրոնին, կրկեսին, կինոյին, գրականությանը, զբոսաշրջությանը, ժողովրդական ստեղծագործությանը, մշակութային ժառանգության պահպանմանը եւ այլ ուղղությունների:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ