Երևանում՝ 11:07,   19 Մարտ 2024

Թուրքիան սիրիական Իդլիբի հարցով ստանձնած պարտավորությունները չի կատարում

Թուրքիան սիրիական Իդլիբի հարցով ստանձնած պարտավորությունները չի կատարում

ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Սիրիայի ազգային հաշտեցման գործերի նախարար Ալի Հայդարը հայտնել է, որ Թուրքիան չի կատարում սիրիական Իդլիբի հարցով ստանձնած պարտավորությունները: Ինչպես հաղորդում է «Արմենպրես»-ը, այս մասին հայտնում է Sputnik-ը:

Նախարարի փոխանցմամբ՝ Թուրքիայի կողմից ստանձնած պարտավորությունների չկատարումը խոչընդոտում է Իդլիբի խնդրի քաղաքական հանգուցալուծմանը:

 «Ներկայումս Իդլիբում իրավիճակը ճգնաժամային է, և անհնար է խոսել զինադադարի մասին»,- ասել է նախարարը:

Սոչիում սիրիական Իդլիբի  հարցով Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի միջև տեղի ունեցած հանդիպման ժամանակ նախագահները պայմանավորվել էին Իդլիբում ապառազմականացված գոտի հիմնելու շուրջ: Պայմանավորվածության համաձայն՝ Թուրքիան պետք է ապահովի ծայրահեղականների զինաթափումը և այդ տարածքներից դուրս բերելը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]