ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Փաստաբանական համայնքի մի շարք ներկայացուցիչների նախաձեռնությամբ ՀՀ արդարադատության նախարարությունում այսօր տեղի է ունեցել քննարկում «ՀՀ քաղաքացիական դատավարության օրենսգրքում փոփոխություն կատարելու մասին» օրենքի նախագծի վերաբերյալ:

Փաստաբան Կարապետ Բադալյանը շնորհակալություն է հայտնել հանդիպման համար և կարևորել օրենքների նախագծերի վերաբերյալ այս ձևաչափով քննարկումների կազմակերպումը:

Մասնագիտական քննարկման ժամանակ անդրադարձ է կատարվել պարզեցված վարույթի կարգով քննվող գործերին առնչվող փաստաբանների առաջարկներին, որոնց մի մասի վերաբերյալ տրվել են պարզաբանումներ, որոշներն ընդունվել են համաձայնությամբ, որ դրանք կիրացվեն Նախագծի լրամշակման ընթացքում: