Չինաստանում կարգազանցներին կնույնականացնեն նրանց քայլվածքով
ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Չինացի ոստիկանները կսկսեն մարդկանց նույնականացնել ըստ նրանց քայլվածքի: Համապատասխան տեխնոլոգիան ստեղծվել Է Watrix ընկերության կողմից: Այդ մասին, ինչպես տեղեկացնում Է «Արմենպրես»-ը, հայտնել Է Associated Press-ը: Շանհայը եւ Պեկինը դարձել են առաջին քաղաքները, որտեղ սկսել Է աշխատել նոր տեխնոլոգիան: Ծրագրի արհեստական ինտելեկտը կարող Է մարդուն ճանաչել մինչեւ 50 մետր հեռավորության վրա, նաեւ թիկունքից:
«Մենք կարող ենք նույնիսկ չհամագործակցել մարդկանց հետ մարդկանց հետ՝ նրանց ճանաչելու համար: Քայլվածքն անկարելի Է կեղծել՝ կաղալով կամ քայլերն ավելի լայն գցելով, որովհետեւ մենք վերլուծում ենք կոնկրետ մարմնի բոլոր առանձնահատկությունները»,-հայտարարել Է ընկերության գլխավոր տնօրեն Խուան Յունչժենը: Համակարգը վերլուծում Է մարդու ուրվապատկերը եւ ստեղծում նրա քայլվածքի մոդելը: Սակայն Watrix-ի մշակումը չի կարող քաղաքացիների անձերը նույնականացնել իրական ժամանակում, տեսագրություններն անհրաժեշտ Է ծրագիր ներբեռնել ձեռքով: Մեկժամանոց հոլովակի վերլուծությունը կտեւի 10 րոպե: Յունչժենի տեղեկատվության համաձայն, տեխնոլոգիան աշխատում Է 94 տոկոսի հանող ճշգրտությամբ: Լավագույն արդյունքն ստանալու համար այն կարող Է տարածվել դեմքերի ճանաչման համակարգի հետ միասին:
Բաժանորդագրվեք մեր ալիքին Telegram-ում