Կառավարությունը սահմանեց դեղերի առաքման համար ներկայացվող պահանջները
11:36, 8 Նոյեմբեր 2018
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: ՀՀ կառավարությունը սահմանեց Հայաստանում դեղերի առաքման համար ներկայացվող տեխնիկական և մասնագիտական պահանջները: «Արմենպրես»-ի փոխանցմամբ` այսպիսի որոշում կայացվեց նոյեմբերի 8-ին կայացած կառավարության նիստում:
«Նախագծի նպատակն է կարգավորել և պատշաճ կերպով կազմակերպել միայնակ ծերերի, հենաշարժողական խնդիրներ ունեցող պացիենտների դեղապահովումը, ինչն էլ իր հերթին կնպաստի դեղերի հասանելիության ու մատչելիության բարձրացմանը»,- ասաց Առողջապահության նախարարի պաշտոնակատար Արսեն Թորոսյանը:
Բաժանորդագրվեք մեր ալիքին Telegram-ում