Թուրքիան Ուգանդայում իր դեսպանին հետ է կանչել հունական աստվածուհու զգեստ հագնելու պատճառով
17:45, 5 Նոյեմբեր 2018
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի ԱԳՆ-ն Ուգանդայում Թուրքիայի արտակարգ և լիազոր դեսպան Սեդեֆ Յավուզալփին հետ է կանչել:
Ինչպես հաղորդում է «Արմենպրես»-ը, այս մասին հայտնում են թուրքական ԶԼՄ-ները:
Դեսպանին հետ կանչելու պատճառը եղել է այն, որ նա Թուրքիայի Հանրապետության 95-ամյակին նվիրված միջոցառման ժամանակ հունական աստվածուհու զգեստ է կրել:
Դեսպանը տոնակատարությանը հագել է հունական դիցաբանության գլխավոր աստված Զևսի դստեր՝ Հեղինեի հանդերձանքին նման հագուստ:
Դեսպանատան քարտուղարն էլ հանդես է եկել Զևսի կերպարով:
Թուրքիայի արտաքին գործերի նախարար Մևլութ Չավուշօղլուն «Թվիթեր»-ի իր միկրոբլոգում գրառում է կատարել, որում հայտնել է, որ դեպքի վերաբերյալ հետաքննություն է սկսվել:
Բաժանորդագրվեք մեր ալիքին Telegram-ում