Ժամանակը Երևանում՝ 11:07:36,   21 Նոյեմբեր

Ռոբերտ Արզումանյանը «Արցախ»-«Փյունիկ» խաղից առաջ պաշտոնապես ավարտեց կարիերան  


ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի նախկին պաշտպան Ռոբերտ Արզումանյանն ավարտեց պրոֆեսիոնալ կարիերան:

«Արմենպրես»-ի հաղորդմամբ` ֆուտբոլի Հայաստանի բարձրագույն խմբի 14-րդ տուրի առաջին խաղից առաջ` «Արցախի» և «Փյունիկի» ֆուտբոլիստների ներկայությամբ պրոֆեսիոնալ կարիերան ավարտեց Ռոբերտ Արզումանյանը: Խորհրդանշական է, որ Արզումանյանին հրաժեշտ տվեցին նրա առաջին և վերջին թիմերը՝ «Փյունիկը», որտեղ նա սկսել է պրոֆեսիոնալ ֆուտբոլիստի կարիերան, և «Արցախը», որտեղ նա ավարտել է այն:

Արզումանյանն այս ամռանը պայմանագիր էր կնքել Երևանի «Արցախի» հետ, որի կազմում այդպես էլ ոչ մի պաշտոնական խաղի չմասնակցեց: Վերջին շրջանում պաշտպանը վնասվածքի պատճառով չէր մասնակցում խաղերին:

Ռոբերտ Արզումանյանը Հայաստանի ֆուտբոլի ազգային թիմի կազմում 2005-2016 թվականների ընթացքում մասնակցել է 74 խաղի՝ դառնալով 5 գոլի հեղինակ:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ