Գումար ունենալու դեպքում Մաթիաս Քիսլերը պատրաստ կլիներ հայկական բանկերում ավանդներ դնել
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ-ում Գերմանիայի Դաշնության արտակարգ և լիազոր դեսպան Մաթիաս Քիսլերը գումար ունենալու դեպքում հայկական բանկերում կցանկանար ավանդներ ունենալ, քանի որ Հայաստանում տոկոսադրույքներն ավելի բարձր են, քան Գերմանիայում:
«Արմենպրես»-ի հաղորդմամբ՝ այս մասին նա ասաց լրագրողների հետ զրույցում Խնայողությունների համաշխարհային օրվա կապակցությամբ հրավիրված համաժողովի ժամանակ:
«Եթե գումար ունենայի՝ կցանկանայի այստեղ ավանդ ունենալ: Ես որոշ ներդրումներ եմ իրականացրել Գերմանիայի անշարժ գույքի շուկայում: Ներկա պահին այստեղ չեմ կարող դա անել: Լավ նշան է, որ ձեր տեղական արժույթը բավականին կայուն է, և այստեղ բանկային հաշիվներ բացելու և ներդրումներ անելու ռիսկերը բավականին ցածր եմ համարում: Բանկային համակարգի համար այդ փաստը և Կենտրոնական բանկի աշխատանքը դրական եմ համարում»,- եզրափակեց Քիսլերը:
Բաժանորդագրվեք մեր ալիքին Telegram-ում