ՌԴ ԱԳՆ-ում պատմել են ՆԱՏՕ-ին Ուկրաինայի եւ Վրաստանի անդամակցության հետեւանքների մասին
15:59, 29 Հոկտեմբեր 2018
ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: ՆԱՏՕ-ին Ուկրաինայի եւ Վրաստանի անդամակցությունը վիթխարի տնտեսական խնդիր կդառնա Ռուսաստանի համար, հարկ կլինի պաշտպանության գոտի կառուցել Սոչիի մերձակայքում: Այդ մասին, ինչպես տեղեկացնում Է «Արմենպրես»-ը, հայտարարել Է ՌԴ-ի արտաքին գործերի նախարարության (ԱԳՆ) համաեվրոպական համագործակցության դեպարտամենտի տնօրեն Անդրեյ Կելինը: «Ի՞նչ կլինի, եթե Ուկրաինան եւ Վրաստանն անդամակցեն ՆԱՏՕ-ին: Մեզ համար դա վիթխարի ռազմական եւ տնտեսական խնդիր կլինի»,- ասել Է նա «Վալդայ» ակումբի քննարկումների հարթակում:
Կելինը հավելել Է, որ ռուսական կողմն ստիպված կլինի «պաշտպանության գոտի կառուցել Սոչիի մերձակայքում», ինչպես նաեւ «ծախսել վիթխարի միջոցներ», հաղորդել Է ՌԻԱ Աովոստի գործակալությունը:
Բաժանորդագրվեք մեր ալիքին Telegram-ում