Ժամանակը Երևանում՝ 11:07:36,   19 Նոյեմբեր

Սերգեյ Գլազևը կարևորում է ԵԱՏՄ-ի և այլ պետությունների ազատ առևտրի գոտիների ստեղծումը


ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: ՌԴ նախագահի խորհրդական Սերգեյ Գլազևը կարևորում է Եվրասիական տնտեսական միության անդամ երկրների համար այլ երկրներում, մասնավորապես, Եգիպտոսում նախագծերի իրականացման հնարավորությունների ստեղծումը: «Արմենպրես»-ի հաղորդմամբ` ՌԴ նախագահի խորհրդականն այս մասին նշեց Երևանում անցկացվող «Եվրասիական շաբաթ» համաժողովի ընթացքում:

 «Այս պահին մենք ունենք Ռուսական արդյունաբերական գոտի Եգիպտոսում,  և այստեղ մենք խոսում ենք տարբեր տեսակի արտադրությունների ստեղծման մասին , բայց նաև արդեն համատեղ ԵԱՏՄ-ի հետ»,- ասաց նա:

Գլազևի խոսքով` այլ պետությունների հետ ազատ առևտրի գոտիների ստեղծումը շատ կարևոր ասպեկտ է: «Մենք ստորագրել ենք Վիետնամի հետ համագործակցության ծրագիր,. Իրանի հետ ազատ առևտրի գոտու ստեղծման համաձայնագիր, և այստեղ կցանկանայի  ընդգծել Հայաստանի դերակատարությունն այս հարցում: Միակ սահմանը, որ Իրանի հետ մենք ունենք, Հայաստանում է, և այս գոտու ստեղծումը սահմանի վրա շատ լուրջ կարևոր կողմ է համաձայնագրի առաջ մղման համար»,- հավելեց նա: 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ