ՍԴ դատավորի թեկնածու Վահե Գրիգորյանը դատարանի նախագահ Հրայր Թովմասյանի հետ աշխատելու խնդիր չի տեսնում
13:42, 23 Հոկտեմբեր 2018
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ սահմանադրական դատարանի դատավորի թեկնածու Վահե Գրիգորյանը խնդիր չի տեսնում ՍԴ նախագահ Հրայր Թովմասյանի հետ աշխատելու հարցում: «Արմենպրես»-ի հաղորդմամբ՝ լրագրողների հետ ճեպազրույցում այս մասին ասաց Գրիգորյանն՝ անդրադառնալով նախկին իշխանության թեկնածու հետ աշխատելու մասին դիտարկմանը:
«Կաշխատենք՝ ինչպես, որ հարկ եղավ: Սա անձնական նախապատվությունների հարց չէ: Ամեն մեկն ունի իր պաշտոնական պարտականությունները և այդ պարտականությունների շրջանակներում պարտավոր է աշխատել, համագործակցել ցանկացած մեկի հետ»,-ասաց թեկնածուն:
Գրիգորյանը նշեց, որ ՍԴ դատավորի ընտրությունը քաղաքական գործընթաց է:
Բաժանորդագրվեք մեր ալիքին Telegram-ում