Իրանի եւ ԵՄ-ի միջեւ առեւտրի համար ստեղծվող մեխանիզմը կգործի նոյեմբերին
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանում Իրանի դեսպան Մեհդի Սանային հայտարարել Է, որ Եվրամիության եւ Իրանի առեւտրական համագործակցության համար ստեղծվող մեխանիզմն ԱՄՆ-ի պատժամիջոցների պայմաններում կսկսի գործել նոյեմբերին, տեղեկացնում Է «Արմենպրես»-ը:
«Եվրամիությունը նաեւ ջանքեր Է գործադրում, որպեսզի մշակի Իրանի հետ առեւտրական համագործակցության ֆինանսատնտեսական պլան: Այդ մեխանիզմը կգործարկվի 2018 թվականի նոյեմբերին»,- ասել Է Սանային հոկտեմբերի 23-ին «Իզվեստիա» թերթում հրապարակված հարցազրույցում:
Խոսելով Իրանի դեմ ԱՄՆ-ի պատժամիջոցների մասին՝ Սանային նշել Է, որ դրանք արդեն սահմանվել են: «Այն բոլոր պատժամիջոցները, որոնք Վաշինգտոնը ցանկանում Էր սահմանել, արդեն սահմանել Է: Նոյեմբերի համար ոչինչ չի մնացել»,- հայտարարել Է դիվանագետը:
Նրա խոսքով՝ Եվրոպայի որոշ ընկերություններ դադարել են Իրանում աշխատել, բայց եւ «շատ ընկերություններ մինչ օրս ակտիվորեն գործում են Իրանի շուկայում եւ մտադրություն ունեն շարունակել իրենց գործուներությունը, հաղորդել Է «Ինտերֆաքս» գործակալությունը:
Բաժանորդագրվեք մեր ալիքին Telegram-ում