Հայ պատանիները մասնակցում են շախմատի մինչև 14, 16 և 18 տարեկանների աշխարհի առաջնությանը
16:27, 22 Հոկտեմբեր 2018
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Հունաստանում մեկնարկել է մինչև 14, 16 և 18 տարեկանների աշխարհի առաջնությունը:
«Արմենպրես»-ին այս մասին տեղեկացրին շախմատի ֆեդերացիայից: Մրցաշարերում Հայաստանը ներկայացված 11 շախմատիստներով: Առաջնություններում արդեն կայացել են մեկնարկային առաջին երեք տուրերի պարտիաները: Մեր մասնակիցներից առաջատարների խմբում են ընթանում մինչև 18 տարեկան աղջիկների ենթախմբում հանդես եկող Հայաստանի կանանց հավաքականի անդամ Աննա Սարգսյանը և մինչև 16 տարեկան տղաների ենթախմբում հանդես եկող Շանթ Սարգսյանը: 16 տարեկան տղաների ենթախմբում հաջող է հանդես գալիս նաև Արթուր Դավթյանը, ով վաստակել է 2.5 միավոր: Դավթյանը կես միավորը կորցրել ենթախմբի ԷԼՈ ֆավորիտ Անդրեյ Եսիպենկոյի հետ պարտիայում:
Բաժանորդագրվեք մեր ալիքին Telegram-ում