1000х90.jpg (78 KB)

Երևանում՝ 11:07,   28 Մարտ 2024

Հայաստանում ներդրումներով հետաքրքրվողների թիվը բավականին մեծացել է

Հայաստանում ներդրումներով հետաքրքրվողների թիվը բավականին մեծացել է

ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում ներդրումներ իրականացնելու հարցով հետաքրքրվողների թիվը բավական մեծացել է, մանավանդ, սփյուռքահայերի շրջանում: Այդ մասին ասուլիսում նշեց «Բիզնես Արմենիա» հիմնադրամի գործադիր տնօրեն Արմեն Ավակ Ավակյանը:

«Ընտրություններից առաջ ցանկացած երկրում միշտ լինում է սպասողական վիճակ, ինչն օբյեկտիվ իրականություն է: Յուրաքանչյուր ներդրող էլ սպասում է ընտրությունների արդյունքներին: Ներկա դրությամբ՝ Հայաստանում ներդրումներ իրականացնելու շուրջ հետաքրքրվողների քանակը բավականին մեծացել է, մանավանդ, սփյուռքահայերի շրջանում, սակայն մինչև հետաքրքրությունները վերածվում են ներդրումների՝ այդ գործընթացը տևում է մոտ 6 ամիս: Դեռևս թվեր չենք հնչեցնում, քանի որ դրանք դեռևս իրականություն չեն դարձել և շոշափելի չեն»,- «Արմենպրես»-ի հաղորդմամբ, ասաց Ավակյանը:

Նրա խոսքով՝ «Բիզնես Արմենիան» թիրախավորել է ներդրումների ներգրավման 12 պետություն և չորս ոլորտ՝ տեղեկատվական տեխնոլոգիաներ, զբոսաշրջություն, գյուղատնտեսություն և դեղագործություն:

Ըստ նրա ՝ վերականգնվող էներգետիկայի ոլորտը ևս հետաքրքրություն է ներկայացնում և մեծ ներուժ է ունի արտերկրից ներդրումների ներգրավման համար:

Հիմնադրամի գործադիր տնօրենը հավելեց, որ  Հայաստանից արտահանումն այժմ բարձր տեմպերով աճում է, ինչն ուղիղ ազդում է ՀՆԱ-ի աճի վրա:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]