1000х90.jpg (78 KB)

Երևանում՝ 11:07,   29 Մարտ 2024

Արագածոտնի մարզպետ Դավիթ Գեւորգյանի մոտ կայացել է աշխատանքային առաջին խորհրդակցությունը

Արագածոտնի մարզպետ Դավիթ Գեւորգյանի մոտ կայացել է աշխատանքային առաջին 
խորհրդակցությունը

ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Հոկտեմբերի 18-ին Արագածոտնի մարզպետ Դավիթ Գեւորգյանը հրավիրեց աշխատանքային առաջին խորհրդակցությունը: Ինչպես «Արմենպրես»-ին տեղեկացրին ՀՀ Արագածոտնի մարզպետարանի տեղեկատվության եւ հասարակայնության հետ կապերի բաժնից, նա նշեց, որ վերջին 5 ամիսներին լինելով  տարածքային կառավարման եւ զարգացման փոխնախարար՝ հնարավորություն է ունեցել ծանոթանալու մարզի խնդիրներին, որոնք բազմաթիվ են եւ առկա են գրեթե բոլոր ոլորտներում:  Մարզպետը դրանք երկու հիմնական մասի  բաժանեց՝  օրինականության, արդարության եւ հավասարության հաստատում եւ սոցիալ-տնտեսական վիճակի բարելավում: Մարզպետը նշեց, որ այս տեսակետի հիմքում ընկած են առաջին հերթին վարչապետի պաշտոնակատար Նիկոլ Փաշինյանի կողմից իրեն տրված առաջադրանքը եւ քաղաքացիների այն սպասելիքները, որոնք առկա են թավշյա հեղափոխությունից հետո:

«Այս խնդիրները մենք անկասկած լուծելու ենք համատեղ,-ասաց մարզպետը եւ ներկայացրեց այն պահանջները, որոնք առաջադրվելու են իր կողմից: Դրանք առաջին հերթին վերաբերում են աշխատանքի հանդեպ ունեցած մոտեցումներին, նորովի մտածելակերպին, եւ, որ ամենակարեւորն է, նոր իշխանության տեսակետներին համահունչ ընթացքին»,- ասաց նա:

Դավիթ Գեւորգյանը ըստ ոլորտների անդրադարձավ առաջնային համարվող հիմնախնդիրներին, ներկայացրեց դրանց լուծման իր մոտեցումներն ու սպասելիքները: Նա հաստատեց այն տեսակետը, որ իր համար բացառվում է օրենքի տառի  ցանկացած խախտում, եւ նա անհանդուրժող է լինելու յուրաքանչյուր պարագայում:

«Երբ ես նշանակվեցի Արագածոտնի մարզպետ, մարդիկ ինձանից պահանջեցին հեղափոխությունը վերջապես մարզ հասցնել: Այնպես որ Հայաստանում իրականացվող յուրաքանչյուր փոփոխություն մարզի ամենափոքր հատվածում պետք է զգալի լինի,-ասաց Դավիթ Գեւորգյանը եւ տալով առաջին հանձնարարականները՝ մաղթեց հաջող աշխատանքային օր»,- նշեց մարզպետը:  


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]