Ժամանակը Երևանում՝ 11:07:36,   20 Փետրվար

Զոհրաբ Մնացականյանն էական է համարում Ջոն Բոլթոնի այցը Հայաստան


ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արտաքին գործերի նախարարի պաշտոնակատար Զոհրաբ Մնացականյանն էական է համարում ԱՄՆ նախագահի ազգային անվտանգության հարցերով խորհրդական Ջոն Բոլթոնի այցը Հայաստան: Այդ մասին Մնացականյանը նշեց կառավարության նիստից հետո լրագրողների հետ զրույցում:

«Այցին ավելի մոտ շրջանում այդ մասին կխոսենք, հիմա մենք պատրաստվում ենք, շատ էական է այցը։ Բոլթոնը գալիս է Ռուսաստան, գալիս է տարածաշրջան, և մենք ունենք մեր օրակարգն ԱՄՆ-ի հետ, որը հաստատված է, տարիներով ձևավորված։ Կան երկկողմ հարցեր, կա տարածաշրջանային օրակարգ, որի շուրջ ԱՄՆ–ի ներկայացուցչի հետ անցկացնելու ենք հանդիպումներ»,– «Արմենպրես»-ի հաղորդմամբ, ասաց Զոհրաբ Մնացականյանը։

Հարցին՝ արդյոք այցի նպատակն է ավելի զարգացնել Հայաստան–ՆԱՏՕ հարաբերությունները, նախարարի պաշտոնակատարը պատասխանեց. «Մենք ունենք մեր ձևավորված դիրքորոշումներն ու մնում ենք այդ դիրքորոշումների շրջանակում»։




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ