Ճապոնիայի եւս մեկ քաղաքում տուրիստական հարկ կվճարեն
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Զբոսաշրջիկները, որոնք այցելում են ճապոնական Կիոտո քաղաք եւ իջեւանում տեղի հյուրանոցներում ու հոսթելներում, պարտավոր կլինեն հատուկ հարկ վճարել: Այդ մասին, ինչպես տեղեկացնում Է «Արմենպրես»-ը, հայտնել Է NHK World-ը:
Կիոտոյի հյուրանոցների ու հոսթելների բոլոր կենվորները պետք Է օրական վճարեն 1,8-ից մինչեւ 9 դոլար: Վճարման չափը կախված Է այն բանից, թե քանի աստղանի Է հյուրանոցը: Դպրոցականները, ուսանողները եւ նրանց ուղեկցող անձինք այդ հարկը չեն վճարի:
Կիոտոյի իշխանությունները հույս ունեն տարվա ընթացքում քաղաքային բյուջեն համալրել 45 մլն դոլարով: Փողերը կծախսվեն քաղաքային տարբեր նախագծերի ֆինանսավորման եւ ենթակառուցվածքի բարելավման համար, ասված Է հաղորդագրության մեջ:
Տոկիոյում եւ Օսակայում ճանապարհորդներն արդեն մուծում են տուրիստական հարկը, բայց միայն այն դեպքում, երբ նրանց համարի արժեքը գերազանցում Է օրական 90 դոլարը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում