Կիևի հայկական համայնքի ներկայացուցիչներն այցելել են Արցախ
15:47, 15 Հոկտեմբեր 2018
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Կիևի հայկական համայնքի պատվիրակությունը՝ համայնքի ղեկավար Նորիկ Գևորգյանի գլխավորությամբ, այցելել է Արցախի Ակնաբերդ գյուղ: Ինչպես հաղորդում է «Արմենպրես»-ը, վկայակոչելով AnalitikaUA.net-ը, պատվիրակությանը միացել են նաև Ուկրանիայի հայերի միության ներկայացուցիչներ:
Պատվիրակները հանդիպումներ են ունեցել գյուղի ղեկավարութան, ինչպես նաև դպրոցի տնօրենի, ուսուցիչների ու աշակերտների հետ, որոնք հյուրերի համար փոքրիկ էքսկուրսիա են կազմակերպել:
Կիևի հայկական համայնքի կողմից Ակնաբերդի դպրոցին և մանկապարտեզին բարեգործական օգնություն է տրամադրվել անհրաժեշտ տեխնիկայի տեսքով (համակարգիչներ, տպիչներ և այլն):
Բաժանորդագրվեք մեր ալիքին Telegram-ում