ԱՄՆ-ի քաղաքականությանը դիմակայելն աշխարհը կփրկի «նոր Հիտլերներից». Իրանի պաշտպանության նախարար
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Իրանի պաշտպանության նախարար Ամիր Խաթամին հայտարարել Է, որ անհրաժեշտ Է դիմակայել ԱՄՆ-ի քաղաքականությանը, այլապես կարող են «նոր Հիտլերներ» հայտնվել: Այդ մասին, ինչպես տեղեկացնում Է «Արմենպրես»-ը, հոկտեմբերի 15-ին հայտնել Է Tasnim գործակալությունը:
«Եթե մենք հակահարված չտանք ԱՄՆ-ի քաղաքականությանը, ապա կդառնանք «նոր Հիտլերների» հայտնվելու վկաները»,-ասել Է Խաթամին: Նա ընդգծել Է, որ «Իրանը հավատարմություն Է դրսեւորել միջազգային պայմանավորվածություններին, բայց Վաշինգտոնը դժգոհ Է Թեհրանի բռնած անկախ դիրքից, նրա նկատկմամբ պատժամիջոցներ Է սահմանում եւ նույնիսկ խոչընդոտում Է դեղորայքի ներմուծմանը»:
Նախարարի խոսքով՝ «Իրանը հանդես Է բերել այն խնդիրները լուծելու ձգտում, որոնք կապված են միջուկային տեխնոլոգիաների տարածման հետ» այն դեպքում, երբ ԱՄՆ-ը «ոտնահարեց միջազգային պայմանագիրը»: «Աշխարհը պետք Է պատասխան միջոցներ ձեռնարկի հարստահարողների դեմ»,-հավելել Է նա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում