Թուրքիայում ահաբեկչության մեջ կասկածվող ՌԴ երկու քաղաքացի է ձերբակալվել
17:19, 12 Հոկտեմբեր 2018
ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ։ Թուրքիայում հոկտեմբերի 11-ին ձերբակալվել են Ռուսաստանի Դաշնության երկու քաղաքացիներ, որոնք կասկածվում են ահաբեկչական գործունեության մեջ։ Այս մասին, ինչպես հաղորդում է «Արմենպրես»-ը, հայտնում է «ՌԻԱ Նովոստի»-ն։
ՌԴ քաղաքացիներ Ռաշիդ Ենիկիևի և Էլանա Ռախմանովայի ձերբակալության փաստը հաստատել է նաև Անկարայում ՌԴ դեսպանատունը։
ՌԴ քաղաքացիները ձերբակալվել են Թուրքիայի Կայսերի (Կեսարիա) քաղաքում, նրանց հետ ձերբակալվել է ևս 5 կասկածյալ։
Բոլոր ձերբակալվածները կասկածվում են «Իսլամական պետություն» ահաբեկչական խմբավորման անդամ լինելու մեջ։
Տեղեկության համաձայն՝ մինչև ձերբակալությունը Ենիկիևի նկատմամբ հայտարարված է եղել միջազգային հետախուզում։
Բաժանորդագրվեք մեր ալիքին Telegram-ում