ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: ՌԴ-ի կողմից Աբխազիային հատկացված օգնության ծավալը 10 տարվա ընթացքում կազմել Է 44 մլրդ ռուբլի: Այդ մասին, ինչպես հաղորդել Է ՌԻԱ Նովոստին, հայտնել Է Հյուսիսային Կովկասի հարցերով ՌԴ փոխնախարար Իգոր Կոշինը, տեղեկացնում Է «Արմենպրես»-ը:

«Աբխազիային հատկացված ֆինանսական օգնության ընդհանուր ծավալը, որը ՌԴ-ից բյուջեից ստացվել Է վերջին տասը տարվա ընթացքում… հավասար Է 44 մլրդ ռուբլու»,-ասել Է Կոշինը՝ ելույթ ունենալով Սուխումում ընթացող աբխազա-ռուսական իններորդ գործարար համաժողովում:

Ընդ որում՝ Աբխազիային անհատույց օգնության ծավալն աճում Է, նշել Է նա: «2016 թվականին այն կազմել Է 5,8 մլրդ ռուբլի, 2017-ին՝ 6,9 մլրդ ռուբլի, 2018-ին Աբխազիայի համար Ռուսաստանի բյուջեից նախատեսված Է մոտավորապես 8,6 մլրդ ռուբլի»,-պարզաբանել Է Հյուսիսային Կովկասի հարցերով ՌԴ փոխնախարարը: