Ատոմային Էներգետիկայում գլոբալ ներդրումները կրճատվել են 45 տոկոսով
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Ատոմային Էներգետիկայում գլոբալ ներդրումները 2017 թվականին նախորդ տարվա համեմատությամբ կրճատվել են 45 տոկոսով եւ կազմել 17 մլրդ դոլար՝ կապված, մասնավորապես, այն բանի հետ, որ աշխարհում աճում Է ատոմային Էլեկտրակայաններից հրաժարվելու միտումը: Այդ մասին, ինչպես տեղեկացնում Է «Արմենպրես»-ը հոկտեմբերի 11-ին հայտնել Է Nikkei թերթը՝ վկայակոչելով Էներգետիկայի միջազգային գործակալության տվյալները:
Նրա հաշվարկներով՝ մոլորակի Էներգետիկական ոլորտում ներդրումների ընդհանուր ծավալը 2017 թվականին կազմել Է 1,8 տրլն դոլար՝ նախորդ տարվա համեմատությամբ կրճատվելով 2 տոկոսով: Հանքային վառելիքի օգտագործման վրա հիմնված հզորություններում կապիտալ ներդրումներն ընդհանուր առմամբ մնացել են նախկին մակարդակի վրա: Սակայն նոր ատոմակայանների շինարարության գործում կատարվող ներդրումներն աշխարհում, թերթի տվյալներով, նվազել են 70 տոկոսով: Nikkei-ը նշում Է, որ բազմաթիվ երկրներ սկսել են ատոմային Էներգետիկային անվստահությամբ վերաբերվել 2001 թվականի գարնանը ճապոնական «Ֆուկուսիմա-1» ատոմակայանում տեղի ունեցած վթարից հետո:
Դրանից հետո անվտանգության հարցում աճած պահանջները բերում են նաեւ ատոմային Էլեկտրակայանների կառուցման նախագծերի զգալի թանկացման, ինչը նվազեցնում Է դրանց գրավչությունը: Թերթը հիշեցնում Է, որ, մասնավորապես, Գերմանիան որոշել Է լիովին հրաժարվել ատոմակայաններից, Շվեյցարիայում հանրաքվեի արդյունքներով արգելված Է կառուցել նոր ատոմակայաններ, Ֆրանսիան մտադիր Է կրճատել իր կախվածությունը ատոմային Էներգետիկայից: Համանման գործընթացներ են տեղի ունենում նաեւ Ասիայում. Թայվանը, օրինակ, մինչեւ 2025 թվականը մտադիր Է հրաժարվել ատոմային Էլեկտրակայաններից, դրանց օգտագործման լուրջ սահմանափակումներ են մտցվում Հարավային Կորեայում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում